Энэ хичээлийн жилд сургуулийн автобусыг дараах 37 чиглэлд явуулахаар төлөвлөсөн бөгөөд өнөөдрөөс буюу есдүгээр сарын 6-наас эхлэн сурагчдад үйлчилж байна. Түүнчлэн сургуулийн автобусаар зөвхөн бага ангийнхан бус, нийт сурагчид үйлчлүүлэх боломжтой юм. Улаанбаатар хотын хэмжээнд 286 ерөнхий боловсролын сургуульд 341.500 сурагч энэ жил суралцана. Төрийн өмчийн 152, төрийн бус өмчийн 134 сургуульд шинээр 38.842 сурагч элсэн орсон байна. 2021-2022 оны хичээлийн жилд хотын төв буюу их тойрууд байршилтай 17 сургууль, хотын захын нийтийн тээврийн үйлчилгээний хүртээмж тааруу 12 сургуулийн сурагчдад зориулж сургуулийн автобусаар үйлчлэхээр болжээ.
