Коронавирусийн дельта хувилбараас болж, өвчилөлийн тоо нэмэгдэх хандлага олон улсад ажиглагдаж байна. Тухайлбал БНСУ-д вакцинд хамрагдаагүй хүүхэд залуучууд илүү өвчилж байгаа аж. Түүнчлэн ердөө хоёр сарын өмнө коронавирусийн эсрэг вакцины бүрэн тунд хамрагдсан иргэд амны хаалт зүүхгүй байж болно хэмээн зарлаж байсан АНУ дельта хувилбарын давлагаа үүсэхээс сэргийлж, амны хаалтаа зүүх хэрэгтэйг анхааруулсан байна. Өвчний хүндрэлээр эмнэлэгт хэвтэн эмчлүүлж байгаа хүмүүсийн ердөө 3% нь вакцинд хамрагдсан иргэд байгаа бол 97% нь хамрагдаагүй байгааг АНУ-ын өвчний хяналт сэргийлэлтийн төвөөс анхааруулжээ.
