Чөлөөт бөхийн 62 кг-ын жинд ОУХМ Х.Болортуяа Энэтхэгийн бөх Сонамтай барилдаж, бүхэл 2 оноогоор яллаа. Манай тамирчин эхний үед 1:0-ээр ялагдаж, дараа нь торгуулж, мөн дахин нэг оноо алдсан ч эцсийн мөчид ард нь гарч 2:2-оор тэнцүүлэн, улмаар бүхэл оноо авсан учраас ялалт авч чадлаа. Тэрээр шөвгийн наймд Пан-Америкийн аварга Бразилын Лайс Нунес, дэлхийн аварга, Европын хошой аварга Болгарын Тайбе Мустафа Юсейн нарын ялсан бөхтэй барилдах юм.
