Турк улсын Хар тэнгис мужид их хэмжээний аадар борооны улмаас хүчтэй үер болж 17 хүн амь насаа алдаад байна. Түүнчлэн үерийн улмаас байшин барилга, гүүрнүүд нурж авто замууд эвдэрчээ. Тус улсын өмнөд эргийн мужуудад сүүлийн хоёр долоо хоногийн турш үргэлжилсэн ой хээрийн түймэр намжаад удаагүй байхад ийнхүү дахин нэг байгалийн гамшиг тохиолоо.
Найман хүний аминд хүрч хэдэн мянган га талбайг сүйтгэсэн түймрийн шалтгааныг дэлхийн дулааралтай холбон тайлбарласан юм. Мөн үерийг ч дэлхийн дулаарлын илрэл хэмээсэн бөгөөд одоогоор 1400 гаруй хүнийг нүүлгэн шилжүүлээд байна.
Орон гэргүй болсон иргэд сургуулийн дотуур байр, байшингийн дээвэр дээр байрлаж байгаа ба 330 орчим тосгон цахилгаангүй болжээ.
Эх сурвалж: AlJazeera
