Олимпийн наадамд оролцсон тамирчин О.Хулан тэргүүтэй 3х3 сагсан бөмбөгийн 23 хүртэлх насны эмэгтэй шигшээ баг өнгөрсөн шөнө "Nations League"-ийн тоглолтоо эхлүүлж эхний өдрөө түрүүллээ. "FIBA 3x3 U23 Nations League" нь "Европ-1", "Европ-2", "Европ-Америк", "Африк-Ази" болон "U21" гэсэн таван бүсэд хуваагдан болж байгаа бөгөөд Монгол улсын эрэгтэй, эмэгтэй багууд "Африк-Ази" бүсэд Нигери, Алжир, Египет улсын шигшээ багуудтай өрсөлдөх юм. Бүсийн эхний цуврал Египет улсын “Аравдугаар сарын 6” хэмээх хотод долоон өдрийн турш дундаа нэг өдөр завсарлан зохиогдож байна. Манай улсын U23 эмэгтэй шигшээ баг хэсэгтээ Египетийн U21 насны багийг 16:13 харьцаатай хожсон боловч Египетийн U23 насны багт 17:18 харьцаатай хожигдож хэсгээсээ хоёрдугаар байраар гарсан. Улмаар эхний өдрийн аваргын төлөө Египетийн U23 насны багтай ахин тоглож сүүлийн мөчид 19-21 харьцаагаар хожин түрүүллээ.
