"МИАТ" ТӨХК-ийн Төлөөлөн удирдах зөвлөл өнөөдөр (2021.09.31) хуралджээ. Уг хурлаар тус компанийн захирал Б.Баттөрийг ажлаас нь чөлөөлж, оронд нь Захиргаа, хууль эрх зүй эрхэлсэн дэд захирал Б.Мөнхтамирыг үүрэг гүйцэтгэгчээр томилсон байна. Энэ талаар Төрийн өмчийн бодлого зохицуулалтын газрын дарга Б.Цэнгэл хэлэхдээ "МИАТ" ТӨХК-ийн ТУЗ өнөөдөр хуралдаж, гүйцэтгэх захирлаар ажиллаж байсан Б.Баттөрийн контрактын гэрээг цуцлах шийдвэр гаргасан. Түүний оронд дэд захирал Б.Мөнхтамирыг гүйцэтгэх захирлын үүрэг гүйцэтгэгчээр томилсон" гэдгээ мэдэгдлээ.
