Боксын ДАШТ-д оролцох тамирчид маргааш ниснэ

Олон улсын боксын холбоо(AIBA)-ны эрэгтэйчүүдийн дэлхийн аварга шалгаруулах тэмцээн энэ сарын 22-нд Серби улсын нийслэл Белград хотод эхэлнэ.

Энэ удаагийн тэмцээнд 108 орны 600 гаруй тамирчид 13 жинд өрсөлдөх тэмцээнд манай улсаас 9 тамирчин оролцоно.

Шигшээ багийн ахлах дасгалжуулагчаар Ж.Энхтөр, дасгалжуулагчаар ОУХМ О.Батхүү, ОУХМ Б.Эрдэнэбаяр, багийн эмчээр гавьяат эмч Ч.Насанбат нар ажиллана.

Энэ тэмцээнд олон улсын шүүгч Г.Бадрах ДАШТ-д Монгол улсаас оролцсон анхны шүүгч болон оролцох юм.

Шигшээ багийн бүрэлдэхүүнийг танилцуулж байна.

1. 48  кг Г.Ган-Эрдэнэ /ОУХМ/
2. 51 кг Х.Энмандах  /ОУХМ/
3. 54 кг  Э.Баярсайхан /СМ/
4. 57 кг Х.Энх-Амар /ОУХМ/
5. 60 кг О.Тулга  /СМ/
6. 63.5 кг Б.Мишээлт /СМ/
7. 67 кг Б.Чинзориг /ОУХМ/
8. 71 кг О.Бямба-Эрдэнэ /СМ/
9. 75 кг У.Мөнх-Эрдэнэ /МУГТ/