СХД-ийн дүүргийн 23-р хороо нь өндөрлөг газар байрладаг учир борооны ус ихээр урсаж орж ирдэг.Энэ нь нүхэн жорлонг хурдан хугацаанд дүүргэхэд нөлөөлдөг байна.Тиймээс Схд-ийн захиалагчийн албанаас айл өрхүүдэд соруулдаг эко бие засах байгууламжийг үнэ төлбөргүйгээр суурилуулж өг.Гэр хорооллын айл өрхүүд одоогийн хэрэглэж буй нүхэн бие засах байгууламжийг 15-20 жил ашигласан байдаг. Энэ нь хөрсний бохирдлыг үүсгэхээс гадна халдварт өвчин нэмэгдэхэд гол хүчин зүйл болдог.
Тиймээс хорооны оршин суугчдын зүгээс энэхүү ариун цэврийн байгууламжийг ашигладаг болсноор эрүүл цэвэр орчинд амьдрах боломж бүрдэж буйг илэрхийлж байсан юм. СХД-ийн захиалагчийн албаны ажлын төлөвлөгөөнд тусгасаны дагуу 2024 оныг хүртэл 23-р хороонд л гэхэд 400-500 айлыг соруулдаг эко бие засах байгууламжтай болгох зорилготой юм. Эдгээр айлууд эко бие засах байгууламжтай болсноор хорооны айл өрхүүдийн 50-иас дээш хувь нь хөрсний бохирдлоос бүрэн салах боломжтой.
