Өнөөдөр болох байсан "Дэлхийн мисс 2021" тэмцээний финал Ковид 19-ын улмаас түр хойшилжээ. Сүүлийн өдрүүдэд хэд хэдэн оролцогчоос коронавирусийн халдвар илэрсэн тул аюулгүй байдлын үүднээс ийм арга хэмжээ авч байгаа аж. Тодруулбал, тэмцээнийг хянаж буй вирус судлаач, эмнэлгийн мэргэжилтнүүд болон Пуэрто-Рикогийн Эрүүл мэндийн газартай зохион байгуулагчид ярилцсаны дараа тэмцээнийг хойшлуулах шийдвэр гаргасан гэж "Дэлхийн мисс" байгууллагын цахим хуудсанд мэдээлжээ. Тус тэмцээний финалыг 90 хоногийн дотор Пуэрто-Рикод зохион байгуулахаар төлөвлөжээ.
