Хүндийг өргөлтийн насанд хүрэгчдийн улсын аварга шалгаруулах тэмцээн амралтын өдрүүдэд “Мөсөн өргөө”-нд болов. Тэмцээний эмэгтэйчүүдийн 55 кг-ын жинд Олон улсын хэмжээний мастер, “Алдар” спорт хорооны тамирчин Д.Эрдэнэзул түрүүлжээ. Тэгэхдээ түлхэлттэй өргөлтөөр 93, 98 кг өргөн, улсын дээд амжилтыг хоёр удаа шинэчлэн, зургаан кг-аар ахиулав. Энэ жинд Хэнтий аймгийн тамирчин А.Өүлэн-Эх мөнгө, Дархан-Уул аймгийн тамирчин Б.Отгонтуул хүрэл медаль хүртлээ.
