Японы "Chaka Land" хамтлагийнхан өчигдөр Улаанбаатарт иржээ. Тус хамтлагийг "Монгол цуйван хэр вэ" дуугаар нь монголчууд сайн мэдэх билээ. "Chaka land" хамтлаг Монголд нэг сар зочлон хөгжмийн фестивалиудад оролцох зорилготой аж.
Байгуулагдаад хоёр жил гаруй болж байгаа тус хамтлаг уран бүтээл туурвихын зэрэгцээ Японы Окинава хотод телевизийн нэвтрүүлэг хийдэг аж. Мэдрэмждээ тулгуурлан гэгээлэг дуунууд гаргахыг зорьдог тэд дууны ая, үг, клип, зураг авалтыг өөрсдөө хийж гүйцэтгэдгээрээ онцлог юм. Түүнчлэн реппер Г.Энэрэлтэй хамтарч дуу хийх юм.
