Өнөөдөр буюу тавдугаар сарын 18-нд дэлхийн музейн ажилтнууд мэргэжлийн баяраа тэмдэглэж байна. Музейн олон улсын зөвлөлийн хуралдаан дээр оросуудын гаргасан саналыг дэмжин баталснаар 1978 оноос эхлэн энэ баярыг жил бүр дэлхийн 150 гаруй улс оронд тэмдэглэх болжээ.
ICOM (International Council of Museums – Музейн олон улсын зөвлөл) байгууллага нь музей болон музейн мэргэжлийн ажилтнуудыг нэгтгэдэг. Өнгөрсөн, одоо, ирээдүйн биет болон биет бус байгаль, соёлын өвийг хамгаалж танилцуулахад тус байгууллага ажлаа чиглүүлдэг. 1946 онд байгуулагдсан энэ байгууллагад 136 орон хийгээд дэлхийн газар нутгийг төлөөлсөн 35 мянган гишүүн хамрагддаг ажээ.
