«Joseon Exorcist» (Гам У Сон, Пак Сон Хун, Жан Дон Юн)
Хэрэв та уянгын, романтик К-драмануудаас жаахан залхах тал уруугаа хандаж байвал энэхүү онц сонирхолтой бага зэрэг аймшгийн гэмээр цувралыг танилцуулж байна. Үйл явдал нь эртний Чосоны үед өрнөдөг бөгөөд хааны суудлыг залгамжилж буй Ли Бан Воны талаар өгүүлдэг.
«Navillera» (Сон Кан, Пак Ин Хван)
Орчин үеийн к-драманы хамгийн эрэлттэй жүжигчдийн нэг бол яахын аргагүй Сон Кан. Түүний тоглосон цуврал болгон үзэлтээрээ дээгүүр жагсдаг. Харин энэ удаагийн бидний танилцуулах кинонд тэрбээр ахмад жүжигчин Пак Ин Хвантай тоглосон билээ. Цувралд балетын бүжигчин болохыг мөрөөдөж ирсэн 70 настай Ким Док-Чулийн талаар гардаг. Гэвч тэрээр амьдралаа босгох болон гэр бүлээ тэжээх үүргээ хүсэл зоригийнхоо урд тавьж мөрөөдлөөсөө тодорхойгүй хугацаагаар завсарлага авдаг.
«Oh My Ladylord» (Ли Мин Ги, Nana)
Энэхүү К-драма нь романтик инээдмийн төрөлд хамрагдана. Цувралд Ха Би Сү хэмээх трилер драма бичдэг Солонгосын нэрт зохиолч болон У Жү Ин нэртэй алдарт жүжигчний талаар өгүүлдэг.
