Нийслэлийн хот тохижилтын газар нь иргэдийн ая тухтай эрүүл орчинд амьдрах,ажиллах нөхцөлийг хангаж, хотын өнгө төрхийг цэвэр цэмцгэр хөгжлийн өндөр төвшинд хүргэх зорилготой ажилладаг байгууллага юм. Тус байгууллагын ажилчид үүрийн гэгээнээс үдшийн бүрий хүртэл амсхийх завгүй ажилладаг.
Дээрээс нь ажиллах нөхцөл хүнд эрсдэлтэй байдаг нь та бидний нүдэнд ил харагддаг. Ажилчдын хүнд ачаанаас бага ч гэсэн хөнгөлөх үүднээс иргэд Аж ахуй нэгж байгууллагууд хамтарч ажиллах уриалгыг хүргүүлж байна.
Эхний ээлжинд иргэд болоод аж ахуй нэгжүүд өөрсдийн эзэмшлийн талбайг цэвэрлэчих юм бол бидний ажил тодорхой хэмжээнд хөнгөрч чадна гэдгийг ТҮА-ны Ахлах мэргэжилтэн Б.Даваажав яриандаа онцолж байсан юм.
Тиймээс цэвэр цэмцгэр орчныг бүрдүүлэхэд иргэд та бүхнийг хамтарч ажиллахыг уриалж байна.
