Ширэн бээлий клуб, "Zorky MMA" багийн холимог тулаанч З.Шинэчагтга дараа долоо хоногт "One Champioship" холбооны 70 кг жинд Японы Ёшики Накахаратай тулалдах тов гарчээ.
Дөрөвдүгээр сарын 14, 15-нд болох "One on TNT II" арга хэмжээний үеэр тулалдах, 24 настай З.Шинэчагтга 6-2-0 амжилттай яваа бөгөөд сүүлийн дөрвөн тулаандаа дараалан ялаад байна.
Харин түүний өрсөлдөгч, 28 настай Накахара 14-5-0 амжилттай ба сарын өмнө Руслан Эмилбекийг хүнд цохилтоор ялсан юм.
Албан ёсны тулаан хийгээгүй жил болсон З.Шинэчагтга жингийнхээ чансааны 7-д эрэмбэлэгддэг туршлагатай тамирчинтай хүнд тулааныг хийхээр бэлдэж байна.
