УОК-оос QR кодтой холбоотой санал гомдлын асуудлаар мэдээлэл хийлээ.
Өмнөх удаагийн зохицуулалтаас энэ удаагийн зохицуулалт цагийн хуваарийн хувьд өөр байна. Шуурхай штаб [email protected] хаягаар хүсэлт авж байгаа бөгөөд одоогийн байдлаар 15 мянга гаруй хүсэлт ирсэн.
Эмнэлгийн байгууллагын зохицуулалт дээр санал хүсэлтүүд ирсэн. Эмнэлгийн байгууллагын 11 мянга гаруй авто машинд бүгдэд нь зохицуулалт хийгдээгүй. Тухайн байгууллагын нэр дээр байгаа автомашины хөдөлгөөнийг хязгаарлахгүй. Хувь хүний нэр дээрх автомашинд цагийн зохицуулалт хийгдсэн. Энэ нь шүүмжлэл дагуулсан тул зарим зохицуулалт дахин хийгдэнэ.
Хэвлэл мэдээллийн байгууллагын автомашины зохицуулалт хийгдсэн нь мөн асуудал дагуулсан тул өнөө маргаашдаа асуудлыг шийднэ.
Монгол улсын хувьд бид боломжтой улс биш. Бидэнд бодож тооцох юм байна. Аль боломжоороо судалгаа тооцоо хийн ажиллаж байна. Хөл хорио бол хамгийн шилдэг арга. Дэлхий дахин тэр тусмаа Энэтхэгт байдал хэрхэн хүндэрч байгааг харж байна. Хөл хориог нямбай, нягт хийхгүй бол өндөр настнуудаас авахуулаад маш хүнд тусч байна. Бидэнд та бүгдээс нуух зүйл байхгүй. Хонгилын үзүүрт байгаа гэрлийг ашиглахгүй бол байдал хүндэрнэ.
