Поп дуучин Ариана Гранде сүйт залуу Далтон Гоместойгоо гэрлэжээ. Ёслол Калифорнийн өмнөд хэсгийн Монтесито хотхонд байдаг Ариана Грандегийн гэрт өнгөрсөн амралтын өдрүүдэд болсон байна. Хосууд гэрлэлтээ олон нийтээс нууцлахыг хүссэн тул маш цомхон хүрээнд /20 орчим зочин л уригджээ/ болж өнгөрсөн байна.
27 настай Ариана Гранде 25 настай, үл хөдлөх хөрөнгийн зуучлагч залуутай сүй тавьснаа өнгөрсөн арванхоёрдугаар сард зарлаж байсан билээ.
Ариана Грандегийн нөхөр Далтон Гомес нь дээр бичсэнчлэн энэ жил 25 настай. Тансаг зэрэглэлийн орон сууц зуучлан борлуулах ажил эрхэлдэг бөгөөд энэ ажлаа таван жил дагнаж хийсэн гэнэ.
Ариана, Далтон нар 2020 оны тавдугаар сард гарсан “Stick with U” дууны клипэнд хамт тоглосноор анх харилцаагаа ил болгож байв. “Stick with U” дууг Ариана Гранде нь Канадын дуучин Жастин Бибертэй хамтран дуулсан бөгөөд уг дууны клип дээр Далтон Гомезтой бүжиглэж байгаа хэсэг гардаг.
