Монгол Улсын хөлбөмбөгийн үндэсний шигшээ багийн тамирчид “Катар 2022” ДАШТ-ий урьдчилсан тэмцээний ээлжит тоглолтоо Киргизстаны шигшээ багтай хийж 1:0-ээр хожлоо. Хожлын гоолыг довтлогч Оюунбаатарын Мижиддорж тоглолтын нэгдүгээр үед оруулсан. Энэ гоол манай шигшээ багин түүхэн дэх 100 дахь гоол байсан юм.
Манай шигшээ өмнө нь Киргизстантай хоёр тоглоод хожигдсон байсан бол энэ удаа хожиж, "Катар 2022" ДАШТ-ий сонгон шалгаруулах тэмцээнээ нэр төртэй өндөрлүүллээ.
Манай багийн хувьд хэсгийн тоглолтоо үүгээр дуусгаж байгаа бол Киргизстаны баг дахин хоёр тоглолт хийнэ.
Киргизстан-Монгол 0:1
Гоол: 34 О.Мижиддорж 0:1
Хэсгийн эхний тоглолт 2020 оны аравдугаар сарын 15, Улаанбаатар хот.
Монгол-Киргизстан 1-2
Гоол: 14 Алюкулов 0:1, 42 Мурзаев 0:2, 58 Н.Цэдэнбал 1:2 /11м/.
Өмнө нь тоглож байсан түүх:
2017 оны арванхоёрдугаар сарын 02.
Киргизстан-Монгол 3:0
Хэсгийн байрлал
Япон 6 тоглолт, 18 оноо
Тажикистан 6, 10 оноо
Киргизстан 6, 7 оноо
Мьянмар 6, 6 оноо
Монгол 8, 6 оноо
