Канадын алдарт уран бүтээлч Абель Тесфайе буюу The Weeknd HBO сувгийн шинэ "The Idol" цувралд гол дүрийг бүтээхээр болжээ.
"The Idol" цуврал нь нэг эмэгтэй поп дуучны талаар өгүүлэх аж. Тэрээр шүтэн бишрэгчдийн удирдагч болон Лос Анжелес хотын шөнийн клуб эзэмшигч залуутай хайр дурлалын харилцаатай болж, түүх өрнөх юм.
Энэ талаар Variety сэтгүүлд мэдээлсэн бөгөөд түүнийг тус цувралын зохиолчдын нэгээр ажиллах болсныг бичсэн байна.
