Сонгинохайрхан дүүргийн 21-р хорооны Жаргалант тосгонд байрлах 74 дүгээр дунд сургуулийн 70 ортой дотуур байрны барилга бүрэн дуусаж, ашиглалтад ороход бэлэн болжээ.Нийслэлийн алслагдсан бүс буюу хотын төвөөс 60 орчим километрийн зайд орших тус сургуульд голдуу малчдын хүүхдүүд суралцдаг бөгөөд хол гэртэй 170 орчим хүүхэд сургуулийн дотуур байранд амьдардаг байна. Алслагдсан дүүрэгт боловсролын чанар, хүртээмжийг сайжруулахад тулгамдаж байсан гол бэрхшээл нь сургууль, дотуур байрны орчин нөхцөл хангалтгүй байсан явдал юм. Сурагчдын сурч боловсрох таатай нөхцөл, эрүүл мэнд болон сурлагын амжилтыг сайжруулах зорилгоор улсын төсвийн хөрөнгө оруулалтаар дотуур байрны барилгын ажлыг хийж гүйцэтгэсэн байна. Тус бүтээн байгуулалтыг “Морин сувд” ХХК 2020 онд барьж эхэлсэн бөгөөд төлөвлөсөн хугацаандаа буюу энэ оны хичээлийн шинэ жилээс эхлэн ашиглалтад ороход бэлэн болгоод байна.
Эх сурвалж: Нийслэлийн хөрөнгө оруулалтын газар
