Нийслэлийн Хан-Уул дүүргийн 11 дүгээр хороо Их Монгол улсын гудамжнаас зайсангийн гудамж хүртэл нэг км авто замын барилгын ажлыг улсын төсвийн хөрөнгө оруулалтаар эхлүүлээд байна. Авто замын трасст өртөөд байсан зарим мод, бут, сөөгийг нийслэлийн байгаль орчны газар гүйцэтгэгч “Даймонд рөүд” ХХК-тай хамтран шилжүүлэн суулгах боломжтойг нь стандартын дагуу нүүлгэн шилжүүллээ. Авто зам далангийн дүүргэлтийн ажил 10 хувьтай үргэлжилж байна.Төсөл хэрэгжсэнээр авто замын сүлжээ сайжирч, Их Монгол улсын гудамжийг зайсангийн гудамжтай холбох авто замын сүлжээ бий болохоос гадна замын хөдөлгөөний түгжрэлийг бууруулах ач холбогдолтой юм гэж нийслэлийн Авто замын хөгжлийн газраас мэдээллээ.
