Баянзүрх дүүргийн 18 дугаар хорооны нутаг дэвсгэр 84-р сургуулийн урд байрлах 53 гараашийг өнгөрсөн даваа гарагт буулгаж, газрыг чөлөөлсөн юм. Чөлөөлсөн байршилд ямар тохижилт хийх талаар иргэдээс санал асуулга явуулсны үндсэн дээр явган хүний зам, авто зогсоол, ногоон байгууламжийн цогц тохижилт хийхээр болсон байна. Оршин суугч иргэдийн саналын дагуу чөлөөлсөн газрын хогийг цэвэрлэж, замыг тэгшилж, тохижуулах ажил өчигдөр буюу есдүгээр сарын 02-нд эхэллээ.
