Завхан аймгийн биеийн тамир, спортын хороонд 100 ор дэлгэжээ

Завхан аймгийн засаг даргын нөөц сангийн 10 сая төгрөгийн санхүүжилтээр шинээр 50 ор, улаан загалмайн нийгэмлэгийн хандиваар 50 ор, нийт 100 ортой ковидын эмнэлгийг аймгийн биеийн тамир, спорт хороон дээр дэлгэсэн байна.Өнөөдрийн байдлаар Улиастай суманд халдвартын эмнэлэгт 100 ор дэлгэж 101 өвчтөн, хүүхдийн эмнэлэгт 100 ор дэлгэж 101 өвчтөн, эдийн засгийн сургууль дээр 135 ор дэлгэж 133 өвчтөн эмчлүүлж байна. Эмч, эмнэлгийн ажилчдын хүрэлцээ муу, тусгаарлан ажиглах боловсон хүчний нөөцгүй болж байгаа тул есдүгээр сарын 15-наас хэвийн горимд орж ажиллах бэлтгэл хийж байгаа тухай аймгийн нэгдсэн эмнэлгээс мэдээллээ. Завхан аймгийн хэмжээнд нийт батлагдсан тохиолдол 4217 байгаагаас эдгэрсэн 2961, эмчлэгдэж байгаа 1092 байна. Эмнэлэгт 728 иргэн хэвтэн эмчлүүлж байгаа бол гэрээр 364 иргэн эмчлүүлж байна. Үүнээс хөнгөн 932, хүндэвтэр 137, хүнд 18, маш хүнд 5 иргэн байна. Вакцинжуулалтын 1-р тунд 48.253 /88.3 хувь/, 2-р тунд 46.150 /84.5 хувь/, 12-18 насны 6683 иргэн хамрагджээ.