Монгол улсын Ерөнхийлөгч У.Хүрэлсүх хилийн чанад дахь Монголчуудын зөвлөлийн ерөнхий нарийн бичгийн дарга Б.Мөнхдэлгэр, Спорт хөгжлийн хорооны дарга Д.Амарбаясгалан нарыг хүлээн авч уулзлаа. Тэрээр хүүхэд багачуудад эх хэл, түүх, соёлоо таниулахад чухал нөлөө үзүүлэх “Нүүдлийн соёлын боловсрол” болон хилийн чанадад суугаа Монголчуудад зориулсан бусад төсөл, хөтөлбөрийг бодлогоор дэмжиж, шаардлагатай бол засгийн газарт чиглэл өгөх боломжтойг хэллээ.Зөвлөлийн хамт олон хилийн чанадад болон эх орондоо амьдарч байгаа хүүхэд багачууд, гэр бүл, багш нарт зориулж нүүдэлчдийн ахуй, өв соёл, түүх, эх хэл бичгээ танин мэдэх, суралцах, түгээн дэлгэрүүлэх зуны “Хөдөлмөр”зуслангийн цогцолбор байгуулах “Нүүдлийн соёлын боловсрол” төсөл хэрэгжүүлж байна. Төслийн эхний шатыг 2017-2019 онд Хэнтий аймгийн Цэнхэрмандал суманд хэрэгжүүлсэн бол 2021-2022 онд Өвөрхангай аймгийн Есөнзүйл суманд, 2022-2026 онд Дундговь, Увс, Хөвсгөл аймагт хэрэгжүүлэхээр төлөвлөжээ.
