“ХОТ ӨВӨЛД БЭЛЭН” Хот, нийтийн аж ахуйн байгууллагуудын дунд зохион байгуулагдаж буй нэгдсэн арга хэмжээнд “ХОТ ТОХИЖИЛТЫН ГАЗАР” ОНӨААТҮГ оролцлоо.
Улаанбаатар хотын инженерийн хангамж, гэрэлтүүлгийн ашиглалт, хог хаягдлын үйлчилгээний байгууллагын өвөлжилтийн бэлтгэл ажил, шуурхай ажиллагааны бэлэн байдлыг шалгах, үнэлэлт, дүгнэлт, зөвлөмж өгөх, харилцан туршлага солилцуулах зорилготой юм.
Хот өвөлд бэлэн арга хэмжээг санаачлахаас өмнө өвөлдөө замын давсыг ихэвчлэн хүрзээр цацдаг байсан бол сүүлийн жилүүдэд хөдөлмөрийн аюулгүй байдлыг ханган, зориулалтын техник ашиглаж эхэлсний дээр ажиллагсдаа өвлийн хувцас, дулаан гутлаар хангадаг болсон зэрэг сайн туршлага олныг нэрлэж болохоор байна.
Гурав дахь жилдээ зохион байгуулж буй “Хот өвөлд бэлэн” арга хэмжээнд хог хаягдал, тээвэрлэлт, зам талбайн цэвэрлэгээ, үйлчилгээ болоод инженерийн хангамжийн 43 байгууллага оролцлоо.
