Шинэ оюутнуудад зориулсан “Улаанбаатарт тавтай морил”  арга хэмжээ зохион байгуулагдлаа

НЗДТГ-ын нийгмийн бодлогын хэлтэс болон цэргийн штабаас шинэ оюутнуудад зориулсан “Улаанбаатарт тавтай морил”  арга хэмжээг зохион байгуулагдлаа. Энэ үеэр оюутнуудад зориулсан гарын авлага тарааж, танилцуулга мэдээлэл хийсэн ба  хотын удирдлагууд оюутнуудтай уулзаж, санал сэтгэгдлийг нь сонссон юм. Гарын авлагад улаанбаатар хотын иргэний мэдэж байх анхан шатны мэдээллүүдийг багтаасан бөгөөд нийтийн эзэмшлийн эд зүйлс, ногоон байгууламжийг хэрхэн хамгаалах, хотын иргэний соёл, дадлын талаар дурдсан байна.  Мөн автобусны чиглэл, цагийн ажил, онцгой байдал, цагдаа, галын дуудлага, түргэн тусламжийн болон номын сангуудын утасны жагсаалтыг ч багтаажээ. Хотын соёл аяны хүрээнд зохион байгуулж буй танилцуулга мэдээлэл өнөөдөр буюу  есдүгээр сарын 13-ны 12:30-14:30 цагт зарим их, дээд сургууль, номын сан, оюутны дотуур байр, соёл мэдээллийн байгууллагуудын ойр орчимд  өрнөсөн юм.