Нийслэлийн удирдах ажилтнуудын Шуурхай хурал эхэллээ.
Энэхүү хурлаар сайжруулсан шахмал түлш борлуулах цэгийн тоог нэмэгдүүлэх асуудлыг хэлэлцлээ. Өнөөдрийн байдлаар сайжруулсан түлшний 281 цэг ажиллаж байгаа бөгөөд энэ долоо хоногт 450 болгоно гэж Тавантолгой түлш компанийн төлөөлөл нийслэлийн Засаг даргад танилцуулжээ.
Сайжруулсан түлшний үйлдвэрлэл, цэг байгуулах ажлыг Тавантолгой түлш болон Эрчим хүчний яам хариуцдаг. Харин нийслэлээс зөвхөн цэгүүдэд түгээлт хийх үүрэгтэй юм.
Нийслэлийн Засаг даргын Хэвлэлийн төлөөлөгч Н.Сугар "Өнөөдрийн байдлаар сайжруулсан түлшний нөөц өмнөх оноос 25 мянган тонноор бага байна. Энэ нь зүүн үйлдвэрийг нүүлгэнэ хэмээн таван сар зогсоосонтой холбоотой" хэмээн мэдээлэв.
