“Эхлэл брэнд”-ийн бүтээсэн HULAN21 Plus гар утас Монголд үйлдвэрлэдэггүй, манай улсад сэлбэгийг нь оруулж ирээд угсардаг гэх шүүмжлэл гараад байгаа. Энэ талаар тус брэндийг үүсгэн байгуулагч С.Батзаяа өөрийн цахим хуудаснаа ингэж бичжээ.
Монголд үйлдвэрлээгүй угсарсан гээд байхий. Өө ийм юм байхгүй ээ баба гээл. Бүх л юм угсрахаас эхлэнэ шүүдээ. Бүр анханаасаа л МОНГОЛД УГСРАНА шүү. Угсрахдаа гадаадад хийгдэх эд ангийн хэмжээг 80 хувь, дотоодод хийгдэх эд ангийн хэмжээг 20 хувь байлганаа гэдгээ бүх л пост дээрээ хэлсэн шүүдээ.
Дараа дараагийн утсандаа энэ 20 хувийг өсгөхийн төлөөл ажилланаа гэсэн.
Айфон Самсунг хүртэл гадаадын бэлдэц нь маш өндөр хувьтай байдаг шдээ.
Айфон Самсунг хүртэл түүхий эдээ энэ тэндээс авч угсардаг шдээ. Угсраад ч хамаагүй хөгжийлдөө. Алийн болгон хэрэглэгч орон байх юм бэ? Гол нь Монгол хөгжүүлэлт бүхий Үйлдлийн системийн дэмжлэг Монгол брэндийн гар утас бүтэж байгаа нь Монгол улсад анхдагч биш үү.
Тэр яриад байгаа ДҮҮЖИЙ гэдэг чинь ч бас л манай компанийн нэг салбар шүүдээ. Нэг компанийн 2 юмыг 2 өөр болгож ойлгоод байгаа хүмүүсийг тэгээд бурхан өршөөг
Эхлэл ийн залуус Японы Сони, Хятадын Хуавэй, Солонгосын Элжи АНУ-ын Тесла шиг Монголын Эхлэл байхын төлөөл зүтгэх болноо.
Энэ постыг шэйр хийгээд өгөөрэй гэж хичээнгүйлэн гуйя. Ийнхүү өөрийн цахим хуудасанаа пост оруулсан юм.
Мөн тэрээр HULAN21 Plus гар утасны Монголд юуг нь хийснийг тайлбарласан.
Тайлбарт:
Монголд юуг нь хийсэн юм бэ? гээд байх юм. За та яг иж бүрэн HULAN21 Plus харж байна. Бид нар
1. Хамгийн баруун талд байгаа USB кабелийг хийсэн.
2. Утас асахаас авахуулаад унтрах хүртэл 40000 мөр бүхий SDK программын хөрвүүлэлтийг хийсэн
3. Программын дотоод оюуны өмчийн бүх контентийг хийсэн
4. Google GMS Android үйлдлийн системийн албан ёсны эрхийг авж чадсан /Энэ хамгийн чухал шүү/
5. Чихэвчийг хийсэн
6. Хайрцаг сав баглаа боодлыг Монголд хийсэн.
Бүх гарын авлага материалыг Монголд хийсэн болно.
Бусад зүйлс бол мэдээж гаднаас авсан. Анханаасаа ихэнх хэсгээ гаднаас авна гэдгээ ерөөсөө нуугаагүй шүүдээ. Алдарт iPhone хүртэл Хятадад хийгддэг юмаа. Заа ийм л байна. Ойлгох нэг нь ойлгоноо. Улам их хичээнээ гэсэн байна.
