Тулгар төр байгуулагдсаны 2230, Их Монгол Улсын 815, Үндэсний эрх чөлөө, тусгаар тогтнолоо сэргээн мандуулсны 110 жил, Ардын хувьсгалын 100 жилийн ойг тохиолдуулан Монгол Улсын Ерөнхийлөгч зарлигаар хөдөлмөр зүтгэлээрээ салбартаа манлайлсан шилдгүүдийг төрийн одон, медалиар шагналаа.
Нийслэлийн хот тохижилтын газрын ажилчид болох зам талбайн үйлчлэгч Н.Батмөнх нэгдүгээр бригадын мастер С.Жаргалсайхан, хог тээврийн ачигч Г.Бямбадорж нар төрийн дээд алтан гадас одонгоор энгэрээ мялаалаа.
Нийслэл хотын цэвэр цэмцгэр байдлыг хангахын тулд Үүрийн гэгээнээс үдшийн бүрийг хүртэл хоёргүй сэтгэлээр зүтгэдэг алба хаагчдад энэхүү шагналыг олгосон нь нүдээ олсон шагналуудын нэг байлаа
Нийслэлийн хот тохижилтын газар нь Улаанбаатар хотын 337 км зорчих хэсгийн зам буюу нийт 4 сая 974 мянган ам метр талбайн цэвэрлэгээ үйлчилгээ, 46 га ногоон байгууламжийн арчилгаа, тордлогоо, нөхөн сэргээлтийн ажлыг хариуцан гүйцэтгэдэг. Мөн Улаанбаатар хотын төвлөрсөн том гурван хогийн цэгийн цэвэрлэгээ, үйл ажиллагааг хариуцан ажилладаг байна.
