ЕБС, цэцэрлэгийн танхимын сургалт маргааш хичээллээд, цахим хичээлд 7 хоног шилжиж, 12 дугаар сарын 20-ны Даваа гарагаас I улирлын амралт эхэлж байгаа.
Нэгдүгээр сарын 31-нээс хоёрдугаар улирлын хичээл эхлэх хуваарьтай ч цагаан сар таарч байгаа тул баярын амралт дуусгаад, хоёрдугаар сарын 7-ноос хичээл эхлэхээр төлөвлөжээ.
Бага ангид улирлын амралтаар маш олон хуудас хуулан бичлэг, цээж бичиг хийх даалгавар өгчихдөг. Үүний улмаас хүүхдүүд ч амарч чадалгүй, хичээл эхлэхэд сурах сонирхолгүй орж ирэх нь бий. Тиймээс сурагчдаа амрааж, цахимаас холдуулж, номтой нөхөрлүүлье гэсэн чиглэлийг БШУ-ны яамнаас өгчээ.
