ИМПОРТЫГ ОРЛОХ ҮНДЭСНИЙ ҮЙЛДВЭРЛЭЛ: Эсгий болон шагайн урлал
Монгол түмний уламжлалт баяр Цагаан сар болоход бага хугацаа үлджээ. Улсын онцгой комиссийн шийдвэрээр энэхүү баярыг гэр бүлийн хүрээнд цомхон тэмдэглэх шийдвэр гарсан билээ. Тиймээс уламжлал ёсоор ах дүүс амраг садан гэр бүлдээ золголт хийн цомхон тэмдэглэх нь гарцаагүй юм. Хайртай дотны хүмүүсээ дайлж цайлан гарын бэлэг бэлэглэн баярлацгаадаг. Цар тахлын нөлөөгөөр хил хаалттай ачаа барааны хомстол үүссэний улмаас импортын бараа бүтээгдэхүүний үнэ огцом нэмэгдсэн олдоц муу зэргээс хамаарч хүмүүсийн гар цайлгах бэлэгний хувьд хүндрэлтэй асуудал тулгарч байна уу. Тэгвэл та бүхэнд дотооддоо үйлдвэрлэж байгаа жижиг дунд болон өрхийн үйлдвэрлэлийн чанартай эрүүл мэндэд тустай органик бараа бүтээгдэхүүнүүдийг цувралаар санал болгож байна. Та дархлаа дэмжсэн, эрүүл мэндэд ашиг тустай, үр өгөөжтэй бүтээгдэхүүн сонгож, цаашлаад үйлдвэрлэлээ дагаад улсын хөгжилдөө үнэтэй хувь нэмэр оруулах хөрөнгө оруулалт хийн үндэсний үйлдвэрлэлээ дэмжээрэй
Бид энэ удаагийн видеогоороо өрхийн үйлдвэрлэгч эсгий болон шагайн урлал хийдэг Д.Мөнхзул бүсгүйг онцолж байна. Тэрээр энэхүү ажлыг найман жилийн хугацаанд хийж байгаа хөдөлмөрч бүсгүй юм. Түүний үйлдвэрлэсэн бүтээгдэхүүн 4 төрлөөр зах зээлд худалдаалагддаг.
-Дан шагайтай ардаа тайлбартай
- Эсгий ууттай алтан шагайтай.
- Монгол гэрийг эсгий уут болгон хийсэн шагай
- Дотроо шагайтай мэргэний тайлбартай
4 БЭРХИЙН МЭРГИЙГ ТА БҮХЭНД СОНОРДУУЛЪЯ
Манай ард түмэн өнө эртний үеэс шагайг мэргэний зөнтэй гэдгээр нь бэлэгшээн дээдэлж ирсэн. Шагайн мэргэ нь Монгол угсаатны дунд хамгийн өргөн дэлгэрсэн, үнэн зөвийн магадлал өндөртэй мэргэний нэг. Дорнын зурхайд итгэдэг бол дөрвөн бэрхийн мэргээр ажил үйлс, санасан бодсоноо мэргэлж үзээрэй.
Дөрвөн бэрхийн шагайг сонгон авахдаа морины толгой нь нар зөв эргүүлэгтэй 2, нар буруу эргүүлэгтэй 2 шагай авна. Мэргэлэхдээ шагайг баруун гараараа авч тэгш зөөлөн талбай дээр орхих бөгөөд билгийн тооллын хулгана өдөр мэргэлдэггүй, мэргэ төөрнө, мэргэлсэн хүндээ таагүй гэдэг тул та хулганаас бусад өдрүүдэд мэргэлж аз хийморь, алдаа оноогоо шинжээрэй.
Үзэгч та бүхэн 4 бэрхийг сонгосноор сар шинээр хайртай дотны хүмүүс болон ахмад буурлууд, залуучууд хүүхдүүдэд ямар ч хүмүүст ашиг тустай бэлэг байх болно шүү.
Захиалга өгөх бол 99182282 дугаарт холбогдоорой
https://www.youtube.com/watch?v=Guu10U3EV1o
