Сар шинийн баярт зориулсан улс, аймгийн алдар цолтой 256 бөхийн барилдаан эхэллээ

Сар шинийн баярт зориулсан улс, аймгийн алдар цолтой 256 бөхийн уламжлалт барилдаан эхэллээ.

Барилдаанд улсын аварга П.Бүрэнтөгс, улсын арслан Ц.Содномдорж, улсын гарьд Б.Гончигдамба нар манлайлан барилдаж буй бол улсын аварга Н.Батсуурь зодоглоогүй байна.

Үндэсний бөхийн барилдаантай холбогдуулан бөхчүүд болон үзэгчдэд Баянзүрх дүүргийн онцгой комисс, Үндэсний бөхийн холбооноос зөвлөмж гаргасан юм.

Зөвлөмж:

1. Бусад эрүүл мэндийн байгууллагад хийлгэсэн шинжилгээний хариу Бөхийн өргөөнд нэвтрүүлэхгүй.
2. Эерэг гарсан тохиолдолд барилдаан үзэх боломжгүй
3. Амны хаалтны нөөцтэй ирж цаг тутам солих, зөв зүүх хэрэгтэй
4. Ариун цэврийн өрөөгөөр үйлчлүүлэхдээ халдвар хамгааллын дэглэм мөрдөх, гараа тогтмол угаах, халдваргүйжүүлэх шаардлагатай.

Сар шинийн барилдааныг SPS болон TV9 телевиз шууд дамжуулж байна.