Завхан аймгийн Шилүүстэй сумын “Баян-Улаан” гэдэг газар өнөө өглөөний 05:09 цагт 3.5 магнитудын хүчтэй газар хөдлөлт болжээ.
Энэ талаарх мэдээллийг 05:16 цагт ШУА-ийн ООГХ-ээс цахим шуудангаар ирүүлжээ. Газар хөдлөлтийн чичирхийлэл иргэдэд мэдрэгдээгүй бөгөөд хохирол учраагүй талаар сумын ЗДТГ болон иргэд мэдээлсэн байна.
2022 он гарснаас хойш улсын хэмжээнд нийт 4800 удаа газар хөдлөлт болжээ. Үүнээс 3.5 магнитуудаас дээш хүчтэй тав бүртгэгдсэн байна.
