2022 оны 4-р сарын 1,2,3-нд Монгол бөхийн өргөөнд тоглогдох циркийн үзүүлбэрийн бэлтгэлийн үеэр могой нь сургагч руугаа дайрч, хүнд гэмтээжээ
Бид энэхүү мэдээллийн дагуу Daimond circus show 2-ын уран бүтээлч Ц.Өсөхжаргалтай уулзаж тодруулга авсан юм.
Ц.Өсөхжаргал:
- Монгол бөхийн өргөөнд тоглогдох Дэлхийн шилдгүүд эх орондоо циркийн тоглолт бэлтгэл ажилдаа ороод явж байгаа. Аварга могой, шувуу, .... гэх мэт араатан амьтадтай сонин содон үзүүлбэр үзүүлэхээр бэлдэж байна. Амьтадтай үзүүлбэр ер нь үзэгч үзэхэд маш сонирхолтой огшоосон байдаг ч тэрийг үзүүлэхийн тулд бид асар их сургуулилт хичээллэлт хийдэг байгаа. Араатан л бол араатан шүү дээ. ЯЛангуяа хэвлээр явагч амьтад матар, могой зэрэг бол хөдөлж байгаа дүрс болгоныг идэх хоол гэж хардаг юм. Бүх зүйлийг хоол байна л гэж харна. Тэрнээс биш авьяастай могой, авьяастай матар амьтан гэж байдаггүй шүү дээ. Тийм болхоор асар олон удаагийн бэлтгэл сургуулилт хийж байж ийм үзэгчдэд үзүүлэх хэмжээнд очдог байх нь. Тэгээд бэлтгэлийн үеэр саяхан могой намайг хазах гэж оролдсон. Могой гэдэг амьтан гуужих үе гэж байдаг юм. Яг тэр үедээ ууртай, ааштай болдог, хоол идэхээ больдог, юм харах нь муу болдог нүд нь цайгаад. Тэр үе нь таараад тэгээд ингэж дайрах тохиолдол бол байдаг. Бид сургуулилт байнга хийдэг болхоор ийм үед яаж өөрийгөө хамгаалах8 амьтнаа яаж тайвшруулах гээд асар их бэлтгэлтэй, тухайн моментод хийх үйлдлүүдээ мэдээд байж байдаг л даа. Тэгээд ч бэлтгэлийн үеэр байсан болхоор зузаан хувцастай байсан. тэрний гаднаас хазах гэж оролдоод тэгээд буцсан байгаа. Яг үзүүлбэрийн үеэр бол ам хамрыг нь дараад бүр л аюулгүй байдал үүсгэж байж тоглолтоо хийдэг юм.
Энэ удаагийн тоглолтод маань дэлхийд алдартай Монголын циркчид тоглож байгаа. Дэлхийд эхний нэг, хоёр, гуравдугаар байранд эрэмбэлэгдэх уран бүтээлчид ирсэн оролцож байгаагаараа маш давуу талтай байгаа. Номерууд маань Монголд огт тоглогдож байгаагүй онцгой тоглолтууд гэсэн үг юм.
Хүүхдийн хувьд цирк үзнэ гэдэг маань насан туршдаа тэр эр зориг, гоо зүйг шагшин магтаж огшиж байдаг зүйлийг зүрхэндээ авдаг байхгүй юу.
Ер нь гэр бүлээрээ хамтдаа үзэхэд хамгийн тохиромжтой үзвэр бол цирк байдаг юм.
Тиймээс бүгд манай циркийн тоглолтыг үзээрэй гэж уриалж байна.
