Инстаграмын 800 сая хэрэглэгчийн талаас илүү хувь нь насанд хүрэгчид байдаг бөгөөд 400 сая хэрэглэгч өдөр бүр хандалт хийж, нийт хэрэглэгчийн 35% нь өдөрт нэгээс илүү давтамжтай ханддаг байна. Түүнчлэн 25 сая бизнесийн байгууллага Инстаграмд өөрийн хуудсыг хөтөлдөг ажээ. Тэгвэл хамгийн олон дагагч инстаграм хаягтаа цуглуулж чадсан Монголын 10 хүнийг дагагчдын тоогоор нь жагсаавал...
№1: Монголын хамгийн олон дагагчтай хүн бол жүжигчин, загвар өмсөгч топ модел, иогийн багш Д.Пүрэвсүрэн 983 мянган дагагчтай энэхүү жагсаалтын нэгдүгээрт бичигдэж байна.
№2: “Single ladies”, “Тэнгэрээс буусан од” зэрэг олон киногоор үзэгчдийн танил болсон жүжигчин О.Дөлгөөн жагсаалтын 2 дугаарт орж байна. Тэрээр АНУ-д мэргэжил дээшлүүлэн суралцаж төгсөөд Монголдоо ирсэн байна. Түүний нийт дагагчын тоо 598 мянга.
№3: “Аримун” продакшны жүжигчин А.Ганчимэг 581 мянган дагачтай . Түүний хамгийн сүүлд гол дүрийг бүтээсэн “Халуун зүрх” кино олон хүний сэтгэлд хүрсэн билээ.
№4: Гайхалтай стиль имиж, эрч хүчтэй дуунуудын эзэн, "The Voice of Mongolia” шоуны шүүгч,“Киви” хамтлагийн ахлагч дуучин Д.Уламбаяр буюу Укагийн хаяг нийт 571 мянган дагагчтай бөгөөд чадварлаг дуучин маань өнгөрсөн оны сүүлээр “Алтан гадас” одонгоор энгэрээ мялаасан юм.
№5: Комэди урлагийг Монголд хөгжүүлж буй залуусын төлөөлөл "ideree’s podcast"-ыг хөтлөн гаргадаг авьяаслаг залуу Б.Идэр-Од 569 мянган дагагчтай.
№6: “Positive Mongolia” влогоор нь бидний сайн мэдэх Э.Дөлгөөн 6 дугаар байранд жагсаж байна. Тэрээр нөхрийн хамт сошиал медиагийн бүхий л төрлөөр хөтлөлт явуулдаг ба “Хосын Жор” цуврал контент нь маш олон хүнд хүрч, эерэг энергийг түгээж чадсан. Түүний инстаграм хаяг нийт 548 мянган дагагчтай
№7: Жүжигчин П.Шүүдэрцэцэг энэ жагсаалтын 7 дугаарт орж байна. Тэрээр одоогоор АНУ-д амьдран суралцаж байгаа ба түүний нийт дагагчын тоо 472 мянга юм.
№8: Чадварлаг дуучин А.Хишигдалай нийт 471 мянган дагагчтай юм. Тэрээр хамгийн сүүлд хөхөө томруулсан талаараа инстаграм хуудсанд мэдээлэл оруулжээ.
№9: "Камертон" хамтлагийн ахлагч, “B” продакшны захирал, Төрийн соёрхолт дуучин Д.Болд 9 дүгээр байранд орсон байна. “The Voice of Mongolia” шоуны шүүгч тэрээр нийт 466 мянган дагагчтай юм.
№10: "Гала" хамтлагийн дуучин Ану гэдгээр нь бидний сайн мэдэх Ч.Уранхолбоо 443 мянган дагагчтай жагсаалтын 10 дугаар байрт оржээ .Таван охины ээж тэрээр маш өнгөлөг зургуудыг өөрийн хуудсанд оруулдаг ба олон төрлийн байгууллагуудтай хамтран ажилладаг байна.
