Монгол-Оросын хамтарсан 3-р сургуулийн 12 дугаар ангийн 118 сурагчид ОХУ-ын бүрэн дунд боловсролын Гэрчилгээ гардан авах ёслолын ажиллагаа боллоо. Энэ арга хэмжээнд ОХУ-аас Монгол улсад суугаа Элчин сайдын яамны ажилтан алба хаачид болон эцэг эхчүүд оролцсон юм. Монгол-Оросын хамтарсан 3-р сургуулийн захирал Монгол улсын гавьяат багш, доктор Ж.Соронзон хэлэхдээ Сурагчдын гэрчилгээ дээр тавигдсан үнэлгээ бол жинхэнэ бодитой мэдлэгээр баталгаажсан гэдгийг дэлхийн олон орон хүлээн зөвшөөрч, бас мэддэг болсныг онцлон хэллээ
Энэ жилийн төгсөгчдөөс өнөөдрийн байдлаар нийт 34 сурагч дэлхийн нэр хүнд бүхий их дээд сургуулиудад 80-100 хувийн тэтгэлгээр суралцах болсон нь сургуулийн сургалтын чанар өндөр гэдгийг батлан харуулж байгаа юм байна.Тус сургуулийн сурагчид Элсэлтийн Ерөнхий шалгалтад 1-2 хичээлийн төрлөөр 42 сурагч 800 оноо авчээ . Мөн Үүнээс элсэлтийн ерөнхий шалгалтыг олон улсын шалгалтаар дүйцүүлж 800 оноог 11 сурагч авсан амжилтыг үзүүлсэн байна. Энэ нь Монгол Улсын хэмжээнд ТОП-10 сургуулийн эхэнд бичигдэх дээд үзүүлэлт гэлээ.
