“Fleece jacket” буюу хонины ноос шиг хөвсгөр материалтай уг цамц нь өмнө нь хэзээ ч загварлагт тооцогддоггүй байсан ба хүмүүс ихэвчлэн агаар салхинд гарахдаа биед эвтэйхэн, дулаан байдаг учир сонгож өмсдөг байсан билээ. Тэгвэл хүн бүрийн хувцасны шүүгээнд байдаг уг загвар нь энэ өвлийн жинхэнэ “It” загваруудын нэг болоод байна.
Шинэ улиралд масс брэндүүдээс эхлэн тансаг зэрэглэлийн загварын орднууд хүртэл шинэ цуглуулгадаа уг спортлог загварыг багтаажээ. Тухайлбал Maison Margiela болон The North Face брэндийн хамтарсан 2020 оны намар өвлийн ММ6 коллекцид энэхүү цамцыг онцолсон байгаа.
Тав тухтай мэдрэмж төрүүлж, дулаан байлгахаас гадна энэ өвлийн тренд болсон уг загвараас өөрийн сэтгэлд нийцсэн өнгө, загвар, принтээс сонголтоо хийж хүссэн дүр төрхөө бүрдүүлээрэй. Жишээ нь тод өнгийн куртка, өргөн загвартай жийнс болон паска цүнхтэй хослуулан өмсөж загварлаг атлаа чөлөөт стилийг бий болгож болох юм.
Эх сурвалж: https://buro247.mn/
