УОК-ын дарга, Шадар сайд С.Амарсайхан 21 аймгийн онцгой комиссын дарга нартай цахимаар хуралдаж, орон нутгийн иргэдийн вакцинд хамралт, аймаг тус бүрийн онцгой комисст үүсээд байгаа нөхцөл байдлыг хэлэлцэн үүрэг чиглэл өглөө.
Тэрээр вакцинжуулалтын явц хангалтгүй байгаа аймгуудын удирдлагуудад ажлаа эрчимжүүлэхийг үүрэг болголоо. Тодруулбал, Баян-Өлгий, Увс, Хөвсгөл, Дундговь аймагт вакцинжуулалтыг эрчимжүүлэхийг анхаарууллаа.
Ингэхдээ вакцинжуулалтын талаар орон нутгийн хэвлэл мэдээллийн хэрэгслээр мэдээлэх, тэдний оролцоог хангах, алслагдсан газар ажиллаж амьдарч буй иргэд, отор нүүдлээр явж буй иргэдэд мэдээлэл хүргэж, вакцинд хамруулахыг үүрэг болголоо.
