Нийслэлийн хот тохижилтын газраас ногоон байгууламжийн өнгө үзэмжийг сэргээж хотын өнгө төрхийг шинэчилж эхэллээ. Энэхүү ажлын хүрээнд Улаанбаатар хотын төвийн 6 дүүргийн 48 гудамж 50,5 га талбайн, ногоон байгууламжийн арчилгаа нөхөн сэргээлтийн ажил хийгдэж байна.
Ногоон байгууламжийн арчлалт хэлбэржүүлэлтийн ажил нь зуны турш үргэлжилэх бөгөөд ,тухайн ургамлын ургалтаас хамаараад 4-5 удаа үе шаттайгаар хийгддэг ажээ.Мод бутыг хэлбэржүүлэх тусам өргөн ургаж ногоон массыг нэмэгдүүлдэг байна.
НИйслэл хотыг зуны турш өнгө үзэмжтэй байлгаж ногоон байгууламжийг нэмэгдүүлэх чиглэлээр, энэ жил 17 байршилд 195 мянган 1 наст цэцэгийг суулгахаар төлөвлөжээ. Ингэхдээ ихэвчлэн нийслэлийн авто замын томоохон уулзварууд болоод хөшөө дурсгалын өмнөх талбайд цэцэг суулгалтын ажил хийгдэх юм байна. Мөн түүнчлэн 18 байршилд 230 мкв талбайд шинээр болон нөхөн зүлэгжүүлэлтийн ажил хийгдэж байгааг Нийслэлийн Хот тохижилтын газраас мэдээллээ.
