Сонгино хайрхан дүүргийн Захиалагчийн алба ОРОН НУТГИЙН ӨМЧИТ АЖ АХУЙН ТООЦООТ ҮЙЛДВЭРИЙН газраас 2020-с 2024 оны хугацаанд гэр хорооллын 10 мянган айлын нүхэн жорлонг шинэчлэх ажил үргэлжлэн хийгдэж байна. СХД –ийн хувьд Хөрсний бохирдолгүй анхны дүүрэг болох зорилтыг дэвшүүлэн ажиллаж байгаа билээ. Тус дүүргийн 9-р хороонд эко бие засах байгууламжийг суурилуулах ажил амжилттай явагдаж байна. Энэхүү хорооны нутаг дэвсгэр нь хөрсний ус ихээр ундардаг учир уламжлалт нүхэн жорлонтой айлуудын хувьд бохир нь хальж урсах бэрхшээл тулгардаг байна. Тиймээс хөрсний бохирдлоос сэргийлэхийн тулд энэхүү хорооны айл өрхүүдэд соруулдаг бие засах байгууламжийг үнэ төлбөргүйгээр суурилуулах ажил хийгдэж байна.
Тухайн хорооны оршин суугчдын зүгээс энэхүү төслийг хэрэгжүүлэн ажиллаж байгаад сайшаалтай хандаж байгаа бөгөөд эрүүл цэвэр орчинд тав тухтай амьдрах боломж бүрдэж байна гэдгийн хэлж байсан юмаа.
Улаанбаатар хотын 70 орчим хувийг гэр хороолол эзэлдэг. Гэр хорооллын айл өрх бүрийн хэрэглээг соруулдаг бие засах байгууламж болгон шинэчилснээр хөрсний бохирдлоос бүрэн сэргийлэх боломжтой юм.
