Нийслэлийн мэргэжлийн хяналтын газраас экспорт, импортын гэрчилгээ олголт, гүний гаалийн хяналт шалгалтын мэдээллийг танилцууллаа. Улаанбаатар хот дахь 16 гүний гаалийн хяналтын бүсээр нэвтэрсэн давхардсан тоогоор 9,383 аж ахуйн нэгжийн 349,372.7 тонн, түүхий эд, бүтээгдэхүүн хяналт шалгалтад хамрагдаж хилээс чөлөөлөгдсөн байна. Тус ажлын хүрээнд нийт 16 зөрчил илрүүлж 21,000 нэгжийн шийтгэл ногдуулж барагдуулсан байна. Мөн 2021 онд 201 аж ахуйн нэгжийн 416 нэр төрлийн хүнсний түүхий эд, бүтээгдэхүүнээс дээж авч, ХАБҮЛЛ болон УМЭАЦТ Лабораторид шинжлүүлэхэд нийт 7 эерэг сорьц илэрсэн, зам тээврийн ослын улмаас тээвэрлэлтийн горим алдагдаж, лабораторийн шинжилгээгээр хүнсний бүтээгдэхүүний аюулгүй байдлын шаардлага хангахгүй 21 нэр төрлийн 20.3 тонн, 100,500,000 төгрөгийн хүнсний бүтээгдэхүүнийг журмын дагуу устгуулсан юм гэж нийслэлийн мэргэжлийн хяналтын газраас мэдээллээ.
