УИХ-ын Хууль зүйн байнгын хорооны хуралдаанаар Монгол Улсын Дээд шүүхээс санал болгосон Үндсэн хуулийн цэцийн гишүүнийг томилох тухай асуудлыг хэлэлцэж, Д.Гангабаатарыг ҮХЦ-ийн гишүүнээр томилохыг 100 хувь дэмсэн байна.
Улсын дээд шүүхээс санал болгон томилуулсан Үндсэн хуулийн цэцийн гишүүн Д.Солонгын бүрэн эрхийн хугацаа дуусаад байгаа юм. Түүний оронд Үндсэн хуулийн цэцийн гишүүнд нэр дэвшигчийн материалыг есдүгээр сарын 1-8-ны хооронд хүлээн авсан.
Энэ хугацаанд Ж.Батзориг, Д.Гангабаатар, З.Нарантуяа, Б.Нармандах, А.Оюунчимэг нар Үндсэн хуулийн цэцийн гишүүнд нэрээ дэвшүүлж, санал хураалтад оролцохоор материалаа ирүүлсэн юм.
Нийт шүүгчийн хуралдаанаас Д.Гангабаатар олонхын санал авчээ. Ингэснээр түүнийг Үндсэн хуулийн цэцийн гишүүнд нэрийг нь дэвшүүлж, УИХ-д санал болгон өнөөдрийн Хууль зүйн байнгын хорооны хуралдаанаар хэлэлцэв.
Ингэснээр энэ долоо хоногийн чуулганы хуралдаанд түүний томилгоог эцэслэн батална.
