Монгол Улсын тав дахь Ерөнхийлөгч Х.Баттулгын охин Б.Намууны “Намуун” хүүхдийн сан Сонгинохайрхан дүүрэгт эмнэлэг барихаар болжээ. Тодруулбал, Сонгинохайрхан дүүргийн 33 дугаар хороонд зорилтот бүлгийн 0-5 насны хүүхдүүдэд зориулсан эх, хүүхдийн эмнэлэг барихаар төлөвлөж буй юм. Сонгинохайрхан дүүргийн 33 дугаар хороо нь дөрвөн мянган өрхийн 12 мянга гаруй хүн амтай бөгөөд зорилтот бүлгийн өрх цөөнгүй байдаг юм байна. "Намуун" сангийнхан энэ сарын 10-нд Сонгинохайрхан дүүргийн 33-р хорооны 100 хүртэлх нэн ядуу айлын хүүхдүүдэд өвлийн дулаан гутлын хамт гарын бэлгийг гарудуулсан юм. Тус бэлгийг "Намуун" хүүхдийн сан, "Драгон холдинг" компани, хувь хандивлагчдын хандиваар бүрдүүлжээ.
