Украин руу довтолсныг эсэргүүцсэн жагсаал Оросын Москва, Санкт-Петербург, Эрхүү, Омск, Астрахань, Тольятти, Саратов, Владивосток зэрэг 53 хотод боллоо. Энэ үеэр 1500 гаруй хүнийг баривчилсан байна. Москвад л гэхэд 830 хүнийг саатуулсан аж.
Оросын мөрдөн байцаах албаныхан жагсаал зөвшөөрөлгүй зохион байгуулж, оролцсон хүмүүст хариуцлага тооцно, тэр тусмаа эрүүгийн хариуцлага тооцно гэж анхааруулжээ.
