"Иргэдийн шударга шүүх" ТББ нь "Үндсэн хуулийн дугуйлан" төслийг хэрэгжүүлдэг билээ. Уг төслийн хүрээнд Монгол улсын 21 аймаг, 330 суманд энэ төсөл хөтөлбөрийг хэрэгжүүлэх зорилготой ба сум бүрт дугуйлан хичээллүүлж иргэн бүр хуулийн мэдлэгтэй болж, хөгжиж, боловсорч, өөрийгөө ямарч тохиолдолд хуулийн хүрээнд хамгаалж чаддаг болгохын төлөө шат дараатай ажлуудыг хийгээд явж байгаа юм.
Хүсч байгаа бүх хүн энэ дугуйланд хамрагдаж болох ба өөрийн харьяа дүүрэг, аймаг, суманд байрлах "Үндсэн хуулийн дугуйлан" төслийн салбар нэгжүүдэд хандаж бүртгүүлэн сургалтанд сууж, уулзалт, хэлэлцүүлэгт хамрагдах боломжтой болох юм.
"Үндсэн хуулийн дугуйлан" төсөл 21 аймагт хамтран ажиллах санамж бичиг байгуулах санал хүргүүлснээс одоогийн байдлаар 19 аймаг нь зөвшөөрсөн байгаа ба өнөөдөр Сэлэнгэ аймаг албан ёсоор хамтарч ажиллах албан бичиг ирүүллээ.
Нийтээрээ бүгд Монгол улсынхаа үндсэн хуулийг мэддэг болчихвол хуулиа хэрэглэдэг хуульд захирагддаг ард түмэн болж сайхан амьдрах чин хүсэл зорилготой хэрэгжиж байгаа энэхүү төсөлд бүх аймаг, сумдууд хамтарч ажиллах нь цаг хугацааны асуудал болсон байгаа билээ.
Үндсэн хуулиа нийтээрээ судалцгаая, Монгол улсын бүх иргэд үндсэн хуульд захирагдаж, эх орондоо эзний ёсоор сайхан амьдарцгаая хэмээн уриалж байна.
