"ЭРТ УРЬДЫН ЦАГТ" театрчилсан аялал 2-г танд санал болгож байна. Та бүхэн бидэнтэй нэгдэн 1шөнө, 2өдрийн турш Сэлэнгэ болон Орхон аймагт орших үнэт өв болсон үзэсгэлэнт газруудаар аялахаас гадна, монодрам буюу нэг хүний драмын жүжгийг хөдөөгийн сайхан талд, шөнийн одот тэнгэрийн дор, түүдэг галын дэргэд тухлан үзэх боломжтой юм.
+
ТЕАТРЧИЛСАН АЯЛАЛД ГАРСНААР:"ХОРИДЫН САРНААР" - монодрам буюу нэг хүний драмын жүжиг
Шөнийн тэнгэрийн одод дор, ил галын дэргэд, "ГЭГЭЭН МУЗА" олон улсын театрын их наадмын Нэг хүний жүжгийн төрөлд "Шилдэг эмэгтэй жүжигчин", Хүүхдийн жүжгийн төрөлд "Шилдэг эмэгтэй туслах дүр"-ийн алтан цомыг хүртсэн, ХЗТ-ын жүжигчин Ч.Уранбилэгийн|ХОРИДЫН САРНААР| монодрам буюу нэг хүний драмын жүжгийг үзэх боломжтой! Тус бүтээл нь дэлхийн анхны роман Мурасаки Шикибүгийн "Гэнжийн туульс"-аас сэдэвлэгдсэн бөгөөд,
Кокидэн хэмээх төрийн их хатны тухай өгүүлэх юм.
"АМАРБАЯСГАЛАНТ ХИЙД" Шашин, түүх, соёл урлагийн хосгүй үнэт өв дурсгал төдийгүй уран барилгын хосгүй нандин бүхнийг шингээсэн Буддын шашны томоохон хийд хэмээхүй, Манжийн Найралт төв хааны зарлигаар, Өндөр гэгээн Занабазарын дурсгалд зориулж бүтээсэн АМАРБАЯСГАЛАНТ хийдээр зочлох боломжтой.
"БҮРЭНХААН УУЛ"Сэлэнгэ аймгийн нутаг нь дунд зэргийн уул нурууд, намхан уулс, уулс хоорондын өргөн, нарийн хөндий, нам хотос бүхий гадаргатай бөгөөд Бүрэн, Жид, Хэнтийн нурууны салбар уулсаас тогтдог аж. Тус аймгийн уулсын хамгийн өндөр нь далайн түвшнээс дээш 2223 метр, хамгийн нам цэг нь Сэлэнгэ мөрний адагт далайн түвшнээс дээш 600 метрт өргөгдсөн. ОрхонСэлэнгийн сав газрын нам хотос, өргөн хөндийнүүд далайн түвшнээс дээш 750-1300 метрт өргөгдсөн байна. Бүрэнхаан, Товхонхаан, Дулаанхаан, Дэлгэрхаан, Баянхаан, Түнхэлийн хөх нуруу, Сонгоол, Ноён уул зэрэг томоохон уул нуруудтай. Аймгийн баруун хэсэг Баруунбүрэн, Сант сумдын нутагт Бүрэнгийн нуруу орших бөгөөд үнэмлэхүй өндөр нь 1986 метр, шовх оройгүй, тэгшивтэр гадарга бүхий хавтгай орой, хяртай, гадарга нь нэлээд хэрчигдсэн, уул нурууд нь ихэвчлэн гүний хагарлуудын чиглэл дагуу тогтсон байдаг. Та Баруунбүрэн сумын нутаг, Бүрэнхаан уул болоод, Ивэн голын хөндийг үзэх боломжтой.
"АЙРГИЙН ГОЗГОР ДАХЬ ХҮННҮГИЙН ҮЕИЙН БҮЛЭГ ДУРСГАЛ"Орхон аймгийн Жаргалант сумын төвөөс зүүн тийш 7км зайд орших Айргийн гозгор гэдэг нүцгэн уулын өвөрт орших Хүннүгийн хожуу үеийн бүлэг дурсгал нь том жижиг нийлсэн 90 гаруй бүлэг дурсгал юм. Айргийн гозгор дахь газраас Сяньби (МЭ 147-552) улсын үед хамаарах хоёр эмэгтэй дайчны шарилыг илрүүлж байсан юм. Түүнчлэн язгууртны 29 булшыг илэрүүлсэн бөгөөд үүнээс 16 нь эрэгтэй, 10 нь эмэгтэй, гурвынх нь хүйсийг тогтоож чадаагүй байна. Аялагч та энэ дурсгалт газраар зорчих боломжтой."БӨӨРӨНХИЙ САЙР"Орхон аймгийн Жаргалант сумын төвөөс зүүн урагш 8км зайд Намаржаагийн гозгор хэмээх толгойгоос баруун урагш 2-3 км газарт жалганы аманд байдаг бөөрөнхий чулуу юм. Нутгийнхан “Бөөрөнхий сайр” гэх ба цайвар шаргалдуу өнгөтэй, 3.8м өндөр, 5м урт өндөг шиг хэлбэртэй боржин чулуун хад юм. Хоёр талаас нь харахад ямар ч өөгүй аварга өндөр мэт харагдах байгалийн нэгэн өвөрмөц тогтоцтой сайрыг үзэх боломжтой.
"НАРАН МАНДАХЫГ ХАРАХ" Байгалийн сайханд тохь тухтай амралтын газар хоноглон, өглөө эрт нар мандахыг угтан мэлмий, оюунаа баясаах эгшинд, морин хуурч "Уяхан замба тивийн нар" бүтээлийг эгшиглүүлэх бөгөөд аялагч та үндэсний урлагийн гайхамшгийг сонордох боломжтой!
Мөн дээрх боломжуудаас гадна, адал явдал, дурсамж дүүрэн өнгөрөөх аялалд нэгдсэнээр:
Аяллын замд таарах, эрт цагаас хүн нутаглаж байсны тэмдэг хүн чулуу, хиргисүүр, зэрэг түүхийн үнэт олдворуудыг сонирхох…
Шинэ хүмүүстэй танилцаж үзэл бодлоо хуваалцах…
Мэргэжлийн гэрэл зурагчнаар зурагаа татуулах…
Тал хээрийн амтат хоол, цайг зооглох (айраг, хорхог г.м)…
Зорчих газруудад аяллын багийн ахлах, хөтөчөөр тухайн түүхэн дурсгалуудыг тайлбарлуулах…
АЯЛЛЫН ТОВ
ХЭЗЭЭ:2022 оны 07 сарын 30-31 (бямба, ням гарагт)
ХААНА:Орхон болон Сэлэнгэ аймгийн нутгаар аялж, жуулчлан өнгөрөөнө. Тав тухтай амралтын кемпд байрлана.
ХӨДЛӨХ ГАЗАР:Орхон аймаг, Эрдэнэт хот. Амарын талбай (Нутгийн Удирдлагын ордон болоод Уурхайчин соёлын ордны урд талбай)-гаас 2022 оны 07 сарын 30ны 09:00цагт хөдөлнө. Мөн 2022 оны 07 сарын 31ний үдэш тус талбайд буцаж ирснээр аялал өндөрлөнө.
АЯЛЛЫН ЗОРЧИХ ТИЙЗ
280.000₮ (үнийн дүнд хоол, цай, Эрдэнэт-Сэлэнгэ-Эрдэнэт гэсэн замын зардал, нэг хүний жүжгийн тоглолтын тасалбар, зэрэг хөтөлбөрийн туршид зохион байгуулагдах бүх үйл ажиллагаа багтсан болно)
Аялалд зорчих хүний тоо хязгаартай!
Аялагч та:
Биед эвтэйхэн 
хувцас өмсөх.Аяны сандал(заавал авч ирэх), зөөврийн гар утас цэнэглэгч, нарны тос зэрэг өөрт чухал бусад зүйлсээ авч явахаа мартуузай!
Дэлгэрэнгүй мэдээллийг:
9935-81818997-21118889-7209 дугаарт холбогдон аваарай!
Ерөнхий зохион байгуулагч:ЭРТ УРЬДЫН ЦАГТ КЛУБ
