Нийгмийн сайн сайхны төлөө залуус нэгдэн эрүүл зөв нийгэм бүтээх зорилготойгоор ЗӨВ НАЙЗУУД НҮТББ үүсгэн байгуулагдаад 3 жилийн нүүрийг үзэж байна.
Сайн сайхан нийгмийн төлөө өнөөгийн залуус цаг үеэ даган эерэгээр хөгжиж, хүн бүр өөрийн чаддаг нэг зүйлээр амьдарч буй нийгэмдээ үлгэр болох зорилгыг уриалсан "Зүрхний дуудлагаар, Зөвийг түгээе " аяныг тус байгууллага энэ сарын 01 ний өдрөөс эхлэн хэрэгжүүлж байгаа билээ. Ойн баяраа угтан энэхүү аяныхаа хүрээнд "Цус өгөх өдөр"-г тохиолдуулан тус байгууллагын Л.Бат-Эрх даргатай эмэгтэйчүүдийн зөвлөлийнхөн цусаа хандивлаж, зөвлөлийн гишүүн, хүндэт донор Б.Азжаргал "Бахархал 40" шагналаар энгэрээ мялаасан үйл явдал боллоо. Мөн тэргүүн Ш.Эрдэнэбилэг, СБДүүргийн салбар зөвлөлийн гүйцэтгэх захирал С.Энхболд нар хамт цусаа хандивлажээ.
Залуусыг соён гэгээрүүлэх, хөгжүүлэх хувь хүний хөгжлийн сургалтуудаар дамжуулан нийгэмд зөв эерэг хандлага түгээн түүчээлж буй тус байгууллагын залуусын хэрэгжүүлж буй аяны хэвлэл мэдээллийн ивээн тэтгэгчээр www.sainmedee.mn сайт ажиллахаар боллоо
